أفكار و ثيم لتوزيعات القرنقشوه (القرقيعان)

مرحبا حبايبي .. كيفكم و كيف استعدادكم للقرنقشوه؟!

بناء على تصويتكم أمس و طلبكم قررت أنزل هالتدوينه بعنوان أفكار و ثيم لتوزيعات القرنقشوه.

قبل ما أبدأ حابه اعتذر منكم كان المفروض أنزل التدوينة أمس عشان إلي ما مجهز يلحق يجهز بس النت كان مقطوع و ما قدرت ادخل على المدونه و أنزل الموضوع و لكن مو مشكلة late is better then never مثل ما يقولون ربعنا الأجانب.

القرنقشوه أو القرقيعان هي عادة خليجية و عادة ما تكون في منتصف شهر رمضان الكريم حيث يلبس الأطفال الملابس التقليدية يطلعون في مجموعات يطقوا البيوت لجمع القرنقشوه و هو عبارة عن حلويات و مكسرات يجهزها أهل البيت للأطفال. و في الفترة الأخيره صار كل بيت يتفنن في طريقة توزيعه للقرنقشوه . البعض يشتري العلب و الأكياس من المحلات  و البعض الآخر يعمل تصاميمه بنفسه . و في تدوينة اليوم راح اطرح لكم بعض الأفكار السهله إلي ممكن تسوها بنفسكم في البيت . كل إلي راح تحتاجوه هو ورق مقوى ، لزق أو غرا ، طابعة عشان تطبعوا التصاميم راح أحط لكم روابطها في آخر التدوينة و مقص أو كتر.

أول حاجه نزلوا التمبليت من الروابط و اطبعوها على ورق مقوى . إذا كنتوا تحبوا الأحجام تكون صغيره أطبعوها على ورق A4 و إذا تبوها كبيرة اطبعوها على ورق A3.

 ثاني حاجة يقص التمبليت ( الأشكال) الي طبعهم باستخدام المقص أو الكتر . بعد ما تقصوا الأشكال اثنوها على حسب الرسم نفس ما هو موضح في الصور .

أخر حاجه تصمغوا الأطراف الي مكتوب عليها Glue و تثبتوها بحيث يتكون عندكم شكل العلبة.

 و بعد ما نتأكد إن اللزق أو الغرا نشف و العلب صارت متماسكه نعبيها بالحلويات و المكسرات و كل إلي تحبوه.

في النهاية أتمنى التدوينه اعجبتكم و ألهمتكم إنكم تجربوا تعملوا أشياء بنفسكم  تجربوها . لا تنسوا تعطوني رايكم في التدوينه في الكومنتس و اكتبولي إذا تحبوا أنزل ثيمات للعيد عشان أبدأ أشتغل عليهم من الحين .

روابط تحميل التمبليت (الأشكال) :
١. بوكس الأولاد :-
https://drive.google.com/file/d/17Ll-LDsC6bZgIwd6QDLOyTqSwPFzn3rN/view?usp=sharing
٢. بوكس البنات :-
https://drive.google.com/file/d/15eKdkpEcpVhRZffwEJ1wAFee7iBxIKQI/view?usp=sharing
٣. علبة ١:- 
https://drive.google.com/file/d/1TPLf6KJEGYze6SsctdNZwVBeziCu_9xA/view?usp=sharing
٤. علبة ٢:- 
https://drive.google.com/file/d/14j2rMUP_NhO-5esc74u91eoc6LKm2FCx/view?usp=sharing

ضيفوني على حساباتي في :